Güneşim Ol 1. Bölüm Serya Azeri Seryali

Təhsilin önəmindən, erkən nikahların yaratdığı problemlərdən, qadınlara qarşı fiziki və mənəvi zorakılıqlara qarşı mübarizədən, eləcə də gənclərimizin doğma torpaqlara bağlılığından, zəhmətin və elmin birgəliyinin yaratdığı inkişafdan bəhs edən serialda Azərbaycanın regionlarının birində yaşayan gənclərinin həyatı öz əksini tapıb.

Layihənin baş prodüsseri Yaşar Əhmədov bildirir ki, “Biz tamaşaçlarımıza kənd həyatını, kəndlərdə yaşayan insanların arzu və istəklərini, onların qarşılaşdıqları problemləri və bu problemlərə qalib gəlmək imkanlarını göstərməyə çalışırıq. Ümumiyyətlə isə “Günəşim ol” serialı gənc nəsillə yaşlı nəsil arasında, müasir həyat imkanları ilə mental adət-ənənələr arasında, eləcə də kənd insanı ilə şəhər insanı arasında bir bağ kimidir. Əlbəttə ki, tamaşaçılara insan həyatının ən vacib dəyəri olan sevgidən bəhs edəcəyik. İnanırıq ki, “Günəşim ol” serialı çox seviləcək”.

Qeyd edək ki, serialın rejissoru Şahin Qəhrəman, ikinci rejissor Zaur Hüseyndir.

Əsas rollarda məşhur şair Nüsrət Kəsəmənlinin oğlu Rəşad Kəsəmənli, Günel Məmmədova və Eldar Qarayev çəkilib.

Rollarda Respublikanın əməkdar artistləri Zemfira Nəcəfova, Elxan Quliyev və Sücəddin Mirzəyev, Qızılgül Quliyeva, Günel Abbaszadə, Emil Rzayev və digərləri çəkilirlər.